Puisi-Puisi Greenhill Weol

Puisi-puisi Greenhill Weol (Sastrawan, pegiat di Mawale Cultural Center) 

Retro Epic

Ini cirita tentang kita

Waktu masi skola di SMA taong 1992

Dapa inga tu dulu-dulu

Waktu katu kita masi sadiki muda

Jaman blum tau hidop pe siksa

Tu waktu torang nyanda farek

Kalou nyanda singga mega mol

Apa lagi ka hai ki ato gacho

Tiap malam minggu bagini

Paling makang pisang ato mi

Mangada plein tikala

Torang ley blum bawa-bawa hp

So mujur tu ada telpon ruma

Kalo perlu kurang cari saratus

Kong lari-lari ka telepon umum

For mo telepon kape-kape Memora

Itu komang torang sorasa

Amper tiap hari barmaeng bola

Di skola jam bersenang sampe bel maso

Abis itu tu klas kurang bobou naga

Lantarang samua laki-laki so mandi suar

Mar yang penting torang nyanda saki mata

Haga-haga televisi deng jam-jam

Main winning kong bayar ley

Memang torang kala gaya katu no

Blum ja bapake tu gombrang, jangkis,

Apalagi span-span

Blum ada tu nama gaul, choi-choi,

Apalagi dugem

Kalou takumpul deng tamang-tamang

Paling bakuti gitar

Scorpions, Bonjovi, Stryper, Guns ato Metallica

So rasa jago kalo so hafal

Depe pemain pe nama

Blum ada Corner, Musro, en tu sagala pub kasiang

Mar sadap kwa tu dulu

Pisang 50, frak 150, bakso 250, bola plastik 500, cokakola blek 700, kaset 2000, dragon 5000, ...

Samua kasiang masih mura

Cuma komang memang masi siksa

Tu nama cari maitua

Musti banya bardoa deng bakaca

Soalnya dorang blum ja lia oto!

Lia henpon lia merek

Nya’ rupa skarang do ce

Parampuang kurang ja muat dari pinggir jalang!

Kami Kalah (Tapi Belum Mati)

Aku lihat putri-putri kami dicuri

Ditebus pergi rupiah ke penjuru negeri

Aku lihat putra-putra kami bunuh diri

Hancur menghantam aspal gengsi

Aku lihat ibu-ibu kami gila menari

Tari-tari bobrok tak punya arti

Aku lihat bapa-bapa kami korupsi

Padahal merangkap jabatan suci

Wahai Empung Pencipta Bumi

Leluhur yang gagah berani

Anak-cucu yang belum membumi

Tana' dimana kelak kami kembali

Masih ada bijak sang manguni

Belum lupa cara mengacung santi

Karena kami memang kalah hari ini

Tapi kami belum mati

Kita, Minahasa

Melawan penjajahan tidak selalu berarti mengangkat senjata

Memenggal putus kepala mereka

Hanya kobarkan api angkara murka belaka

Namun ada cara yang lebih mulia dan manusia

Yakni menyatakan senyata-nyatanya

Kepada mereka bahwa kita, bangsa minahasa

Adalah bangsa yang punya isi kepala

Punya kuat dan tenaga

Dan terlebih diatas semua: punya bijaksana

Buat mereka duduk satu meja dengan kita

Lantas tampar mukanya dengan kemampuan indah berbahasa

Cengangkan ia dengan kerendahan hati yang mulia

Lantas permalu ia dengan ahlak yang cerminkan kasih sang maha

Lantas..

Ajaklah ia untuk mengayun langkah bersama

Hidup berdampingan dalam sukacita dalam satu dunia

Sebab,

Hoi ta pe sudara-sudara

Torang ini Minahasa!